متن اصلی - لاتین - rana et bovinus

rana et bovinus
inops potentem dum vult imitari perit
in prato quondam rana conspexit bovem
et, tacta invidia tantae magnitudinis
rugosam inflavit pellem; tum natos suos
interrogavit an bove esse latior
illi negarunt. rursus intendit cutem
maiore nisu, et simili quaesivit modo,
quis maior esset. illi dixerunt bovem.
novissime indignata dum vult validius
inflare sese, rupto iacuit corpore.